O pasado 16 de maio de 2025, e por segundo ano consecutivo, o compañeiro Víctor Fernández, membro da Xunta Directiva de Cabo do Mar, impartiu unha masterclass sobre a salvagarda do patrimonio marítimo e fluvial en Redondela.
A sesión, destinada ás persoas participantes no Obradoiro de Emprego do municipio, tivo lugar na Casa de Labor do Pousadouro.
Durante a actividade, repasáronse cuestións chave como as peculiaridades do patrimonio marítimo e fluvial, o oficio da carpintaría de ribeira ou o papel de Culturmar.
Cabe destacar que os participantes nesta iniciativa traballan actualmente na construción dunha réplica navegable do bote Manuel, que seguindo as tradicións mariñeiras será bautizado como Novo Manuel. A embarcación orixinal foi restaurada na edición anterior e hoxe exponse no museo Meirande.
Deixa unha resposta