Unha semana mais saímos ao mar nas nosas embarcacións tradicionais. Desta volta, un novo patrón estreouse ao mando da Barola. Canto nos alegra que a tripulación se bote para adiante!
Din os nosos estatutos que un dos fins principais de Cabo do Mar é a “transmisión dos saberes asociados ás embarcacións tradicionais e á súa navegación”. Pois o movemento demóstrase navegando.
A tarde prometía pouco vento e calor abafante, pero pola ría adiante as altas temperaturas lévanse mellor. Así que pasamos a tarde tentando aproveitar a lixeira brisa no mar do Berbés.
A Josefa, que este fin de semana participará nas xornadas mariñeiras Muros Mira ao Mar, dirixiuse ao caer a tarde á rampla de varada. Unha socia capturou o momento desde o seu barco, deixándonos esta preciosa estampa.
Deixa unha resposta